|
Ichot a burde in a bour ase
beryl so
bryht,
Ase saphyr in seluer semly on syht,
Ase iaspe the gentil that lemeth with
lyht,
Ase gernet in golde ant ruby wel ryht; |
5 |
Ase onycle he ys on yholden on
hyht,
Ase diamaund the dere in day when he is dyht;
He is coral ycud with cayser ant knyht;
Ase emeraude amorewen this may haueth myht.
The myht of the margarite haueth this mai mere. |
10 |
For
charbocle ich hire ches
bi chyn ant by chere.
Hire rode is ase rose that red is on
rys;
With lilye-white leres lossum he is;
The primerole he passeth, the peruenke of pris,
With alisaundre
thareto, ache ant anys. |
15 |
Coynte ase
columbine such hire cunde
ys,
Glad vnder gore
in gro ant in grys;
He is blosme opon bleo, brihtest vnder
bis,
With celydoyne ant
sauge, ase thou thiself sys.
That syht vpon that semly to blis he is broht; |
20 |
He is
solsecle, to sauue ys
forsoht.
He is papeiai in pyn that beteth me my bale;
To trewe tortle in a tour y telle the mi tale;
He is thrustle thryuen in thro that singeth in sale,
The wilde laueroc ant wolc ant the wodewale; |
25 |
He is faucoun in
friht, dernest in dale,
Ant with eueruch a gome gladest in gale.
From Weye he is wisist into Wyrhale;
Hire nome is in a note of the nyhtegale.
In Annote is hire
nome; nempneth hit non? |
30 |
Who-se
ryht redeth roune to Iohon.
Muge he is ant mondrake
thorh miht of the mone,
Trewe triacle ytold with tonges in trone;
Such licoris mai leche
from Lyne to
Lone;
Such sucre mon secheth that saneth men sone; |
35 |
Blithe yblessed of
Crist, that
bay[th]eth me mi bone
When derne [dedis] in [day] derne are done.
Ase gromyl in greue grene is the
grone,
ase quibibe ant comyn cud is in crone,
Cud comyn in court, canel in cofre, |
40 |
With gyngyure ant
sedewale ant the
gylofre.
He is [medicyne] of
miht, mercie of mede,
Rekene ase Regnas resoun to
rede,
Trewe ase Tegeu in tour, ase
Wyrwein in
wede,
Baldore then Byrne that
of[t] the bor bede; |
45 |
Ase
Wylcadoun he is
wys, dohty of dede,
Feyrore then Floyres folkes to
fede,
Cud as Cradoc in court carf the
brede,
Hendore then Hilde, that haueth me to
hede.
He haueth me to hede, this hendy anon, |
50
|
Gentil ase
Ionas, heo ioyeth with Ion.
|
|